IGL BIETG
Intervenziuns subtilas
Pacas intervenziuns minimalas on laschea agl bietg per gronda part igl sies caracter. Igl tetg è nia isolo e renovo cumplettamaintg. Ainten la gronda sala da teater è nia biagia aint en scoldamaint da palantschia effizient. Gronds vèders da fanestra procuran l’isolaziun necessaria digl salv e laschan antrar la gleisch digl de.
Gleisch spectaculara
La clavadeira da monsieur Carisch lascha tiers ena gleisch spectaculara. Antras las decoraziuns da lenn ainten las fassadas aintra paca gleisch e bogna igl salv ainten en’atmosfera mistica. Igl suglegl circumdescha igl bietg, igl mond exteriour vign pero mai vasibel.
Salvs novs
Ena nova stgela da beton colliescha igl foyer ainten l’anterioura remisa cun la gronda sala da teater e la sala pitschna segl plang soura. Chella sala pitschna so neir duvrada per lecziuns, concerts da tgombra u dietas pi pitschnas.