Navigation

RM Sprachnavigation RM Alt+1 RM Servicenavigation RM Alt+2 RM Bereichsnavigation RM Alt+3 RM Inhalt RM Alt+4 Tschertga Alt+5

RM Sprachnavigation RM

RM Servicenavigation RM

 
 
Datenschutz
 
Graubuenden

IGL TAIMPEL DIGL SUGLEGL D’ORIGEN SEGL PASS DIGL GELGIA

 

Da Bumang ò igl indendant d’Origen, Giovanni Netzer, preschento ansemen cun ancunaschaints represchentants dalla politica, dall’economia e dalla cultura en nov project da teater. Segl pass digl Gelgia duess neir stgaffia ena tgesa da teater temporara, tgi sa deditgescha agl teater mundial, tgi gioia cun las staschungs digl onn ed interpretescha igl pass otalpin scu nov li da cultura. 

 

 

LI DA CULTURA

Igl pass digl Gelgia ò en’istorgia da construcziun plagn midadas. Igls Romans vevan erigia en taimpel da Jupiter sen la culmogna digl pass. Per igl taimp medieval dattigl perdetgas d’ena tgaplotta da son Bistiang. Durant igl taimp nov èn succedias hospizis e fortezzas. 

 

 

TAIMPEL DIGL SUGLEGL OCTAGONAL

La tgesa da teater sen Gelgia resplenda igl tema dall’inconstanza cun structuras temporaras. Igl amprem model da sboz da Giovanni Netzer prevei en cubus octagonal sculptural. Otg tors da gleisch magnan la gleisch digl de aint igl bietg. «Igl teater sen Gelgia è en taimpel digl suglegl. La gleisch digl de furma igl salv. Da notg sclarescha en fi natural la scenareia. Aint igl teater sen Gelgia vign la forza dalla nateira evidenta scu ainten nign oter teater dallas Alps.» Aint igl teater sen Gelgia duess esser pussebel da far producziuns sur onn ed el è contanschibel cun meds publics. Igl pi tard siva tschintg onns vign el puspe demonto.